Banorët e Shalës së Bajgorës edhe sot do të vazhdojnë protestën në kërkim të anulimit të konkursit të gjigandit metalurgjik “Trepça”.

Dje protestuesit i kishin vënë ultimatum menxhmentit të kësaj ndërmarrje publike që deri në ora 14:00 t’i japin përgjigje kërkesave të tyre.

Por, sipas tyre kërkesat kanë hasur në vesh të shurdhër.

Sipas Arsim Musës, nga Këshillit Organizativ i protestës edhe sot do të protestohet para hyrjes së minierës Trepça.

Protesta ka filluar nga ora 07:00.

Kërkesat e protestuesve janë:

-Anulimi i konkursit;

-Shkarkimi i Bordit të Trepçës;

-Shkarkimi i drejtorit menaxhues.