Konfirmon MPJ

Serbia vazhdon me sulme kibernetike ndaj Kosovës

Ministria e Jashtme e Kosovës njoftoi përmes një postimi në Twitter se ka qenë cak i një sulmi kibernetik.

“Autoritetet përkatëse janë përgjigjur dhe janë duke punuar për të mbajtur sistemin e komunikimit të sigurt dhe në funksion. Hetimet e para tregojnë se burimet e sulemve kanë ardhur nga Serbia dhe Bosnja”, tha MPJ në Twitter.

Më herët, zëdhënësja e Qeverisë së Kosovës, Donjeta Gashi, tha për Radion Evropa e Lirë se të gjitha ueb-faqet janë në rregull dhe se tash për tash nuk vërehet ndonjë ndryshim në to.

Ballkani.info ka raportuar mbrëmë se Kosova është cak i sulmeve kibernetike nga Serbia dhe Bosnja. /Ballkani.info/