Kandidati për deputet

Selmanaj i reagon Avdullah Hotit: Autostrada e Dukagjinit është projekt i pakthyeshëm

Kandidati për deputetë nga radhët e Aleancës për Ardhmërinë e Kosovës, Rasim Selmanaj ka thënë se ideja primitive e Avdullah Hotit se “nuk do ta ndërtojmë Autostradën e Dukagjinit” është totalisht provinciale dhe logjikë jashtëzakonisht diskriminuese.

E sidomos, sipas Selmanaj, pasi Hoti ka mbajtur postin e ministrit të Financave dhe e di fuqinë ekonomike të kësaj zonë.

Kandidati për deputet nga AAK, ka thënë tutje se legjislatura e re do të mbahet mend për për heqjen e taksës ndaj Serbisë dhe pretendimin për të bllokuar arterien kryesore të zonës së Dukagjinit.

Postimi i plotë:

Ideja primitive e Avdullah Hotit se “nuk do ta ndërtojmë Autostradën e Dukagjinit” është totalisht provinciale dhe logjikë jashtëzakonisht diskriminuese.

Aq më tepër, kur vetë zotëria në fjalë, ka mbajtur postin e ministrit të Financave dhe po i njëjti e di fuqinë ekonomike të gjithë kësaj zone.

Kjo legjislaturë do të nisë me debatin e parë për këtë projekt vital për Kosovën, i cili është i pakthyeshëm, pavarësisht ideve të tilla, qofshin këto të një deputeti, si Avdullah Hoti, qoftë kjo strategji e koalicionit, i cili sipas të gjitha gjasave do të mbahet mend për heqjen e taksës ndaj Serbisë dhe pretendimin për të bllokuar arterien kryesore të zonës së Dukagjinit, të kësaj zone, që përveç tjerash, nga lufta ka dalë me mbi 90% e shkatërruar.

Secili, po edhe profesori i ekonomisë, duhet ta dijë, se me këtë logjikë të pashallëqeve, e qëndrime egocentrike ndaj 600 mijë banorëve, do të marrin përgjegjësinë, jo vetëm sot, por edhe reagimin e duhur të atyre që dinë t’i mbrojnë vlerat e interesave ekonomike nacionale dhe barazisë njerëzore. Po ashtu, ata do të jenë përgjegjës edhe para 1,8 milion banorëve për heqjen e Taksës 100 %, e cila ia ktheu dinjitetin shtetit tonë.

RS

loading…