Dogana
Sekuestrohet duhan në Gjilan
Policia e Kosovës ka njoftuar se gjatë një bastisje në një shtëpi dhe në një lokal në tregun e gjelbër në Gjilan është sekuestruar duhan.
Policia ka bërë të ditur se bastisja është kryer në koordinim me Doganën dhe ATK-në.
Bastisjes u ekzekutuan me urdhëresë së Gjykatës Themelore në Gjilan. Dyshohej se në vendet ku u krye bastisja po kryhej tregti e ndaluar.
“Gjatë operacionit të bastisjes/kontrollit në shtëpinë dhe lokalin/biznesin e lartcekur janë gjetur dhe sekuestruar nga autoritetet doganore provat si në vijim : filtër për cigare ,,Grand “ 8 pako X 50 copë X 200 letra për cigare, f leta për mbështjelljen e cigareve 110 komplete, duhan i grirë i përpunuar 104 X, 0,500 g, cigare VIP, 77 paketime x 20 cigare, cigare Malboro, 62 pako X 20 cigare, cigare NINE 29 pakoX 20 cigare etj. Lidhur me rastin janë iniciuar në procedurë të rregullt rastet për “Tregti e Ndaluar” dhe “Shmangie nga Tatimi”, përderisa te gjitha veprimet tjera janë ndërmarr në koordinim me autoritetet kompetente të drejtësisë”, ka njoftuar Policia.
