Sejdiu për kandidaturën e Vitisë në Prishtinë: S’ka kapacitet për të transformuar diçka
Ish-nënkrytari i Prishtinës dhe analisti i njohur, Dardan Sejdiu nuk beson se Arben Vitia mund të ndryshoj Prishtinën nëse bëhet kryetar.
Sipas tij, Vitia nuk ka kapacitet për të transformuar diçka në Prishtinë.
“Arben Vitia është njeri i mirë, urdhërat që i jepen i administron, por nuk ka kapacitet për të transformuar diçka, për këtë flas nga përvoja”, ka thënë Sejdiu në emisionin Përtej tregimit që u transmetua në Kanal10.
Sejdiu beson se Lumir Abdixhiku është kandidat i mirë për Prishtinën. Ai po ashtu foli edhe për kandidaturën e Uran Ismailit.
“Abdixhiku është kandidat serioz, do të ishte mirë të kandidonte për kryetar të Prishtinës. Me Uran Ismailin jam rritur, është politikan i mirë, edhe pse dallojmë në pikëpamje politike”, ka thënë Sejdiu.
