Partia Demokratike e Kosovës po vazhdon të rritë aktivitetin e saj në diasporë.
Në Gjermani po qëndron nënkryetari i kësaj partie, Sami Lushtaku dhe disa nga deputetët e saj.
Një prej tyre është edhe Elmi Reçica i cili ka shkruar një postim në Facebook ku thotë se rikthimi i Partisë Demokratike të Kosovës në qeverisje, fillon pikërisht me rikthimin e saj në Diasporë.
Postimi i tij:
Partia Demokratike e Kosovës rikthehet në Gjermani!
Sot, nën përkujdesjen e Departamentit për Diasporë dhe me një punë të palodhshme të aktivistëve të Partisë Demokratike të Kosovës, në Rosenheim të Bavarisë është mbajtur tubimi mashështor i Partisë Demokratike të Kosovës, i cili shënon fillimin e organizimit të madh të PDK-së në Gjermani, me struktura dhe nënstruktura, brenda të cilave do të jenë të angazhuar shumë veprimtarë.
Rikthimi i Partisë Demokratike të Kosovës në qeverisje, fillon pikërisht me rikthimin e saj në Diasporë. PDK-ja do të jetë zëri i shumë veprimtarëve të devotshëm, zëri i anëtarësisë, i rinisë dhe veçanërisht zëri i grave, të cilët me investimin e dijes dhe kapitalit, do të jenë shpresë e perspektivës së zhvillimit të vendit.
Sot e filluam me Bavarinë dhe do ta përfundojmë me Berlinin.
Na priftë e mbara!







