LAJMI I FUNDIT

Sabit Geci infektohet me koronavirus, dërgohet në Turqi për trajtim

Ish-pjesëtari i Ushtrisë Çlirimtare të Kosovës, Sabit Geci, është infektuar me koronavirus, kanë bërë të ditur familjarë të tij.

Në një njoftim të familjes bëhet e ditur se gjendja e Gecit është përkeqësuar dhe me urgjencë është dërguar në Turqi.

“Të dashur miq e dashamirë, ju njoftoj që prindi im Sabit Geci ka rezultuar me COVID-19. Si për fillim gjendja e tij ka qenë stabile dhe ka filluar të trajtohet me oksigjen dhe terapi në shtëpi, pas disa ditësh iu është keqësuar situata dhe e dërguam në Infektive. Gjendja e prindit vetëm u keqësua edhe më shumë, u detyruam që me urgjencë ta dërgojmë në Turqi”, thuhet në njoftimin e familjes, që ka kërkuar nga qytetarët që të kenë kujdes nga virusi.