Sulmet ruse kanë bombarduar një fabrikë ushtarake në kryeqytetin ukrainas, sipas ministrisë ruse të Mbrojtjes që e citoi agjencia e lajmeve ruse, TASS.

Zëdhënësi i Ministrisë së Mbrojtjes, Igor Konashenkov, tha se 16 objektiva “të armikut” u shkatërruan me raketa me precizitet të lartë, duke përfshirë pajisje, magazina dhe baza të ruajtjes së armëve.

Ai shtoi se një dyqan riparimi i pajisjeve ushtarake në Mykolaiv, në jug të Ukrainës u godit gjithashtu.

Betejat po vazhdojnë të zhvillohen në pjesë të Ukrainës lindore dhe jugore, sipas Shtabit të Përgjithshëm të Forcave të Armatosura të Ukrainës.

Në përditësimin e tij të fundit, shtabi tha se betejat ishin më të ashpra në rajonet lindore të Donetsk dhe Luhansk.