Rusia nis sulmin e dytë me raketa balistike hipersonike
Forcat ruse kanë kryer një sulm të dytë me raketa hipersonike kundër objektivave ukrainas. Lajmin e ka konfirmuar ministria e Mbrojtjes në Moskë.
Zyrtarët thanë se sulmi, duke përdorur sistemin e ri raketor Kinzhal të Rusisë, shkatërroi një vend depozitimi karburanti në jug të vendit, raporton BBC.
“Kinzhal… Raketat balistike hipersonike shkatërruan një vend të madh magazinimi për karburantet dhe lubrifikantët e forcave të armatosura ukrainase pranë vendbanimit Kostyantynivka në rajonin e Mykolaiv”, thanë zyrtarët.
Kjo është dita e dytë radhazi që Rusia përdor raketa balistike hipersonike. Zyrtarët rusë thonë se Kinzhal mund të godasë një objektiv deri në 2,000 km (1,240 milje) larg dhe të fluturojë më shpejt se 6,000 km/h (3,728 mph).
