Rusët marrin kontrollin e termocentralit bërthamor në Ukrainë

Agjencia Ndërkombëtare e Energjisë Atomike ka njoftuar se rregullatori bërthamor i Ukrainës ka raportuar probleme komunikimi me stafin që operon në termocentralin bërthamor Zaporizhzhia, në Ukrainën juglindore.

Autoritetet ukrainase i kanë thënë IAEA-s se stafi i rregullt vazhdon të operojë centralin, “por menaxhimi i uzinës tani është nën urdhrat e komandantit të forcave ruse që kontrollojnë vendndodhjen”.