Rritet çmimi i bukës në furrat e Prizrenit, shkon deri në 60 centë

Valës së ngritjes së çmimeve, nga sot i janë bashkuar edhe furrtarët prizrenas.

Sipas shoqatës së furrtarëve të Prizrenit, një gjë e tillë është bërë pasi shumë produkte janë shtrenjtuar.

“Nga dita e sotme [martë] edhe çmimi i bukës do të ketë rritje”, kanë theksuar përfaqësues të kësaj shoqate për TV Prizrenin.

Sipas tyre, nga dita e martë çmimi i bukës në disa furra është rritur në 0,60 cent, 10 cent më shtrenjtë se çmimi i deritanishëm, ndërsa edhe furrat tjera pritet që nga dita e nesërme të veprojnë ngjashëm.