Rriten numrat e Covid 19 në Slloveni, Mal të Zi e Kroaci, rajoni ndien frikën
Numrat me Covid 19 po rriten në shtetet e rajonit. Në 24 orët e fundit janë njoftuar statistika shqetësuese në shumicën e shteteve të Ballkanit.
137 raste të reja të infeksionit janë regjistruar në Slloveni, që është numri më i madh në muajt e fundit. Pas këtyre shifrave, qeveria e Janes Jansa ka paralajmëruar masa të ashpra në vend dhe rikthimin e izolimit, shkruan Indeksonline.
Situatë e qetë nuk është as në Kroaci. Në 24 orët e fundit, janë regjistruar 234 raste të reja me infeksion të virusit SARS-CoV-2, dhe numri i rasteve aktive në Kroaci sot është gjithsej 2100.
Situatë po vështirësohet edhe në Mal të Zi. 212 raste janë konfirmuar vetëm në 24 orët e fundit. Për këtë, shteti malazez nga sot në ora 18:00 do të vendos masa të reja.
