Tashmë edhe veteranët dhe të gjitha kategoritë e tjera të dala nga lufta janë të obliguar të paraqiten çdo 6 muaj në Qendrat për punë dhe Mirëqenie Sociale në mënyrë që të vazhdojnë ta marrin pensionin.

Këtë e ka konfirmuar për Gazetën inFokus, zëdhënësi i Ministrisë së Punës dhe Mirëqenies Sociale, Musa Demiri.

Demiri ka thënë se për këtë paraqitje çdo 6 muaj janë të obliguar të gjitha kategoritë e dala nga lufta.

“Janë të obliguar që të nënshkruajnë dhe të paraqiten në zyrat adekuate çdo 6 muaj, të gjithë ata që marrin pagë veteranësh dhe të gjitha kategoritë e dala nga lufta”, ka thënë Demiri.