Rrahje prapa Teatrit në Prishtinë – Policia jep detaje

Një rrahje ka ndodhur pasditen e sotme në rrugën “Agim Ramadani”, prapa teatrit në Prishtinë.

Arsyet e kësaj rrahje nuk dihen ende, ndërsa zëdhënësi i Policisë së Kosovës, Bajram Krasniqi ka treguar për Gazetën Insajderi se lidhur me këtë rast janë arrestuar tre persona.

“Sot, më 19.09.2020, në 16:47, policia është njoftuar për një rrahje në rrugën ‘Agim Ramadani’ (prapa teatrit). Njësitet policore kanë intervenuar dhe kanë sjellë në Stacionin Policor ‘Qendra’ tre persona që ishin të përfshirë në këtë rast. Rasti është duke u trajtuar nga policia”, ka thënë Krasniqi.