Ambasadori i Gjermanisë në Prishtinë, Jorn Rohde, ka pritur në zyrë trajnerin e ri të Kosovës, Franco Fodën dhe ekipin e tij.
Rohde, me anë të një postimi në llogarinë e tij në platformën X, ka shkruar se kanë diskutuar për ekipin kombëtar të Kosovës.
“I lumtur që mirëprita trajnerin e ri të Kosovës, Franco Foda dhe ekipin e tij në zyrën time!”, shkroi Rohde.
“Duke qenë vetë entuziast i futbollit, diskutuam sfidat dhe perspektivat aktuale të ekipit kombëtar të Kosovës. Krahas GenSec Markus Weidner, ekipi i ri i trajnerëve thekson angazhimin e fortë gjerman”.
Përndryshe, Foda është emëruar timonier te Dardanët në muajin e kaluar, teksa ka nënshkruar kontratë dyvjeçare.
Great to welcome 🇽🇰‘s new national coach, Franco Foda🇩🇪, & his team to my office! Being a ⚽️ enthusiast myself, we discussed current challenges & prospects of the 🇽🇰 national team. Alongside GenSec Markus Weidner, the new coaching team emphasises the strong 🇩🇪 engagement @FFK_KS pic.twitter.com/lsaS5Me72d
— Ambassador Jörn Rohde (@GermanAmbKOS) March 12, 2024
VIDEO BONUS: 🔴LIVE – Komisioni për Arsim, diskuton mbi gjendjen e edukimit fizik







