Foto
Rita Ora: Urime Dita e Pavarësisë Shqipëri
Artistja shqiptare me famë botërore, Rita Ora prej ditësh po qëndron në Kosovë e shoqëruar nga disa familjarë të saj dhe bashkëshorti Taika Waititin.
Arsyeja e vizitës së saj ishte festimi i ditëlindjes së saj të 33-të në Prishtinë dhe ajo po vazhdon vizitën e saj edhe gjatë ditës së sotme kur po festohet 28 Nëntori.
Këtë ditë të veçantë për shqiptarët, Rita e ka uruar përmes postimeve në llogarinë e saj në Instagram.
“Urime Dita e Pavarësisë Shqipëri”, ka shkruar Rita në mbishkrimin e një fotoje.
Ndërsa në një tjetër ajo shihet e veshur me të zeza dhe këpucë të kuqe teksa tha se këtë kombinim e bëri për nderë të Ditës së Pavarësisë.
Ndërkohë, theksojmë që mbrëmë (e shtunë) Rita ishte e pranishme në një darkë të organizuar nga presidentja e Kosovës, Vjosa Osmani, ku morën pjesë edhe disa emra të njohur në vend.
Më pas, autorja e “You & I” ka shijuar edhe jetën e natës në Prishtinë duke festuar deri në orët e vona në një nga klubet e njohura në kryeqytet. /Telegrafi/
