Superliga
Renditja dhe rezultatet pas javës së 27-të në Superligën e Kosovës – Llapi tashmë lider, Ballkani dhe Drita në ndjekje
Janë mbyllur të gjitha ndeshjet e javës së 27-të në Superligën e Kosovës, ku sollën ndryshime në renditje.
Llapi tashmë është lider i ri pas fitores me rezultat 3-0 ndaj Lirisë.
Ballkani gaboi ndaj Prishtinës, duke barazuar në Lipjan pa gola 0-0, ndërsa as Drita nuk shkoi më shumë se një barazim me Malishevës (1-1).
Feronikeli ’74 ka arritur të shënojë fitore ndaj Fushë Kosovës me rezultat 1-0, ndërsa përballja mes Gjilanit dhe Dukagjinit u mbyll baras 1-1.
Llapi tani është lider me 54 pikë, kur kanë mbetur edhe nëntë xhiro deri në fund. Ballkani është i dyti me 53 pikë, ndërsa e treta është Drita me 51 pikë.
Malisheva mbetet e katërta me 48 pikë dhe në garë për pozitat e epërme. Në vendin e pestë është Prishtina me 39 pikë, ndërsa Dukagjini është i gjashti me 36 pikë.
Feronikeli 74 del nga pozita e play-offit duke u ngjitur në vendin e shtatë me 29 pikë. Gjilani është në vendin e tetë me 27 pikë, pozitë e vështirë në luftën për mbijetesë.
Fushë Kosova është e nënta me 20 pikë, ndërsa Liria e fundit me 10 pikë.
Në javën e 28-të do të përballen,Gjilani – Fushë Kosova, Malisheva – Dukagjini, Llapi – Drita, Feronikeli 74 – Prishtina dhe Ballkani – Liria.
