Ramush Haradinaj s’pranon të takohet me Edi Ramën
Edi Rama po zhvillon edhe sot disa takime me liderët kosovarë. Pjesë e agjendës në ditën e sotme ishte edhe takimi me Ramush Haradinajn.
Ky takim ishte paraparë të zhvillohej në orën 11:00 në selinë e AAK-së.
Por, burime të Indeksonline bëjnë të ditur se Haradinaj e ka refuzuar takimin me kryeministrin e Shqipërisë.
“Është e pamundur me u takue i padituri me paditësin. Kjo s’ka kurrfarë logjike. Nuk ndihem mirë që si i paditur të takohem me askënd e as me zotin Edi Rama”, ishte përgjigjja e Haradinajt mbrëmë në një televizion pas pyetjes nëse do të pranonte takimin me Ramën.
