Ramush Haradinaj

Ramush Haradinaj flet për vizitën në Amerikë, thotë se ka zhvilluar shumë takime

Kreu i Aleancës për Ardhmërinë e Kosovës, Ramush Haradinaj, ka thënë se ka zhvilluar shumë takime përmbajtësore me akterë të ndryshëm politikëm të sigurisë dhe ekonomisë, gjatë vizitës në Shtetet e Bashkuara të Amerikës.

Ai ka njoftuar se është takuar edhe me Ambasadorin John Richmond.

“Në takime shpreha mirënjohjen time dhe të popullit të Kosovës për përkrahjen që vjen nga Amerika, veçanërisht iniciativat për Kosovën në NATO dhe organizatat e tjera ndërkombëtare. Riafirmova qëndrimin tonë për rolin amerikan në Kosovë e Ballkan, sidomos në fushën e sigurisë dhe atë ekonomike. Në kushtet e agresionit rus në Ukrainë, bashkërendimi me aleatët është më i domosdoshëm se asnjëherë”, ka shkruar Haradinaj.

Tutje, ka thënë se Kosova është më e fortë kur ka miq në Amerikë, që asnjëherë nuk e lënë të vetme, në situatat më të cilat ballafaqohet.

“Kënaqësi të takoj Ambasadorin John Richmond dhe zonjën e tij Linda, Van Yong nga National Prayer Breakfast, Anne Basham nga “Ascend”, pastorin Andreë Brunson dhe zonjën e tij Norine, Agron Dedivanaj dhe Vilson Sinishtaj nga organizata “Malësia e Madhe”, e miq të tjerë.

Kosova është më e fortë kur ka miq në Amerikë, që asnjëherë nuk e lënë të vetme, në situatat më të cilat ballafaqohet”, ka shkruar Haradinaj.