Ramush Haradinaj deklarohet për padinë e Edi Ramës, thotë se ka vëlla!

Kryeministri në detyrë i Kosovës, Ramush Haradinaj, është deklaruar për paralajmërimin e kryeministrit të Shqipërisë, Edi Rama, që tha se do e padisë në gjykatat e Kosovës.

Ky rast ka të bëjë me një deklaratë të mëhershme të Haradinajt i cili kishte thënë se Hashim Thaçi, Edi Rama dhe Aleksandër Vuçiç do të përfitonin 10 miliardë euro nga ndarja e Kosovës. Rama ka thënë se këtë deklaratë do e dërgoj Haradinajn në gjykatë.

“Edi Ramën e kam vëlla. I kam vëllezer e motra të gjithë shqiptarët. Por unë jam kundër ndarjes”, tregon Haradinaj.

“Ky ka marrë pjesë në projektin e ndarjes. Ajo ndarja ka pasë me bë dëme në shtetësinë tonë. Pasi që të hapet Kosova e 17 shkurtit nuk ka më kthim pas”

Haradinaj tregon edhe për shumën e 10 miliardë euro që kishte thënë se do ndahej mes Ramës, Thaçit dhe Vuçiçit.

“Mbi 10 miliardë euro dëme do i bëheshin Kosovës në rezerva dhe minerale të Trepçës. Gjithsesi ai për momentin është në pushtet por nuk e ka të sigurt që do të qëndroj dhe mund ta humb atë. Shihemi në gjyqe”

Tutje ai shpjegon se si do të përfitonin personalisht personat që do merrnin pjesë në projektin e ndërrimit të territoreve.

“Nëse dikush ka premtuar me dhënë Trepçën, atëherë ka pasur përfitime nga Serbia”, tregoi kryeministri në detyrë.

Haradinaj: Me Ramën nuk kam folur që nga takimi në Berlin

Kryeministri i Shqipërisë, Edi Rama, ka thënë se do ta padisë Ramush Haradinajn, e ky i fundit thotë se nuk e ka aspak problem shkuarjen në gjyq me Ramën, pasi Haradinaj beson se e ka ndalur idenë e ndarjes së Kosovës.

Edhe më tutje, Haradinaj beson se Rama ka qenë bashkë me Presidentin Hashim Thaci pro idesë së ndryshimit të kufijve që kryeministri në detyrë e quan “ndarje të Kosovës”.

Haradinaj thotë se prej takimit në Berlin nuk ka folur më me Ramën, ndërsa shton se nuk e shqetëson aspak zotimi i kryeministrit të Shqipërisë se do ta padis ata.

Ndryshe, Rama ka deklaruar se do ta padisë Haradinajn, pasi ky e ka akuzuar atë dhe Thacin e Aleksandër Vuciqin që kanë pasur plan ndarjen e Kosovës në këmbim të fitimit të 10 miliardë eurove.

loading…