Ramiz Kelmendi thotë se e kupton Flora Brovinën për fotografinë e publikuar
Deputeti i Lidhjes Demokratike të Kosovës, Ramiz Kelmendi ka thënë se e kupton deputeten e PDK-së, Flora Brovina.
Përmes një shkrimi në Facebook, Kelmendi ka thënë se e kupton deputeten e PDK-së, Flora Brovina se është mashtruar sa i përket fotografisë së publikuar ditë më parë, përmes së cilës deputetja pretendonte se ajo fotografi ku shiheshin disa ushtarë duke dhunuar një grua ishte e bërë në Kosovë, e që ma pas u zbulua se ajo fotografi ishte e një vendi tjetër.
Kelmendi ka theksuar se qëndron në mbështetje të aktivistes Brovina, dhe se nuk duhet harruar veprimet e forcave serbe të kryera në Kosovë gjatë periudhës së luftës.
Postimi i plotë:
Fotoja e përfolur për dhunimet që janë bërë në Kosovë dhe gjenocidi i zhvilluar masiv në vendin tonë!
Jemi dëshmitarë të debatit të ngritur për të dënuar kryesit e masakrave në Kosovë edhe pse shumë të vonuar, por me qëllim që të sensibilizojmë opinionin për masakrat që nuk duhet harruar dhe duhet dënuar.
Në këtë akcent edhe u publikua fotoja e një pamjeje të dhunimit të cilën e mbante në foltoren e Kuvendit të Republikës së Kosovës zonja Flora Brovina.
Unë e kuptoj zonjën Brovina se është manipuluar me foto të gabuar, në kuptimin e saj si foto, porse mos të harrojmë se veprimet e forcave ushtarake serbe dhe paramilitare ishin edhe më të dhunshme se që i paraqet fotoja e ngritur nga zonja Brovina. Pra fotoja në një formë paraqet të vërtetën e hidhur, por po të gjendeshin foto të tilla mundë të ndihmonin krijimin e Tribunalit për gjenocidin serb.
Nga këtu mundë të konstatojë se zonja Flora nuk është vizitore e këtyre faqeve pornografike dhe nuk duhet lejuar njollosjen e punës dhe sakrificës së saj, sepse është dëshmitare e vërtetë e këtyre veprimeve barbare e çnjerëzore si dhe fotoja në fjalë, mos harroni se e ka prekur atë (zonjën Brovina) më së shumti si femër gjithnjë duke besuar në veprimin e jo në foton e manipuluar. Pra, ne nuk duhet minimizuar veprimet e serbëve, sepse veprimet e tyre ishin të vërteta. Nuk duhet lejuar dëmtimi i dhunimit të më shumë së mijëra femrave, andaj qëndroi në mbështetje të aktivistes Brovina për punën e bërë me vite e dekada dhe besoi nga të gjithë se duhet përkrahur sinqeritetin dhe ndershmërinë e saj.
