Kryetari i Prishtinës
Rama nderon kameramanin Kllokoqi që i tregoi botës masakrën e Reçakut
Kryetari i kryeqytetit, Përparim Rama i ka dhuruar sot mirënjohje kameramanit, Sylejman Kllokoqi, i cili filmoi masakrën e Reçakut dhe i tregoi botës për tmerrin e 15 janarit 1999.
Kryetari Rama tha se ka nderin t’i ndan mirënjohje kameramanit Kllokoqi për punën që ai ka bërë gjatë luftës së fundit në Kosovë.
Kllokoqi ka rrëfyer të gjithë historinë e jetës së tij gjatë luftës në librin “Në 7 lufta”.
Sylejman Kllokoqi shtoi se është hera e parë që merr një shpërblim nga institucionet e Kosovës. E këtë mirënjohje ai e quajti ‘si çmim Oscar’.
