QKUK
QKUK: Gruaja lind para kohe, dyshohet si pasojë e dhunës nga burri
Një grua ka lindur para kohe.
Rasti dyshohet të ketë ndodhur si pasojë e dhunës fizike të shkaktuar nga burri.
22-vjeçarja është shtrirë në Klinikën e Gjinekologjisë të QKUK-së.
Rastin për Klankosova.tv e ka konfirmuar drejtori i kësaj klinike, Zef Ndrejaj.
“Lidhur me rastin janë njoftuar organet e rendit. Policia ka qëndruar aty derisa është kryer lindja. Ata tani janë duke u marrë me burrin e saj. Gjendja e saj është stabile. Duhen edhe disa analiza shtesë. Kjo dyshohet se ka ardhu si pasojë e dhunës”, tha Ndrejaj.
Siç raportohet policia e ka shpallur në kërkim të dyshuarin.
Prokurori i Shtetit, ka urdhëruar që rasti të iniciohet në drejtim të veprës penale “Dhunë në familje”, teksa veprimet tjera ligjore do të ndërmerren posa të kapet i dyshuari.
