Qeveria pranon se fushata ndikoi në rritjen e rasteve me COVID-19

Ministri i Shëndetësisë, Arben Vitia, ka thënë se fushata zgjedhore ka ndikuar në rritjen e rasteve me COVID-19 në Kosovë.

Vitia i ka dhënë të drejtë qytetarëve, por ka theksuar se duhet kuptuar që jeta dinamike shpeshherë ndikohet edhe nga faktorë të paparashikuar.

“Një pjesë tjetër e qytetarëve më të drejtë kanë fajësuar fushatën elektorale për rritjen e rasteve të infektimit. Edhe kjo është e vërtetë. Çfarëdo tubimi masiv është super shpërndarës. Por duhet kuptuar se jeta dinamike shpeshherë ndikohet edhe nga faktorë të paparashikuar”, ka thënë ai.