Qeveria kërkon sot seancë të jashtëzakonshme, LDK pro
Qeveria e Kosovës ka kërkuar nga parlamenti që të mbahet sot seancë e jashtëzakonshme.
Arsyeja e mbajtjes së seancës është shqyrtimi i vendimit që Ushtria e Kosovës të angazhohet në Misionet Paqëruajtëse kudo në botë. Shefi i Grupit Parlamentar të LDK-së, Arben Gashi ka thënë se partia e tij e mbështetë mbajtjen e kësaj seance.
“E nisim vitin me një lajm fantastik!
Grupi Parlamentar i Lidhjes Demokratike të Kosovës e mbështetë kërkesën e Qeverisë që Parlamenti të mbajë, sot, seancë të jashtëzakonshme, për lejimin e angazhimit të Ushtrisë së Kosovës në Misione Paqeruajtëse në kuadër të ushtrive më të fuqishme të botës.
Jemi të bindur se secili ushtar i Kosovës do ta nderojë atdheun dhe flamurin tonë, dhe Kosovës do t’i kthehet faqebardhë” shkruan Gashi në njoftim.
