“Punë e dobët e qeverive”/ OBSH: Evropa rrezikon një valë të tretë të Covid-19 në fillim të 2021
Organizata Botërore e Shëndetësisë paralajmëron Evropën se nëse nuk merr masa do të ketë një valë të tretë të pandemisë në fillim të vitit 2021.
David Nabarro, i dërguari special i OBSH-së, akuzon qeveritë evropiane se nuk kanë ndërtuar infrastrukturën e nevojshme gjatë verës, pasi vunë nën kontroll valën e parë.
Nabarro shtoi se nëse nuk merren masa edhe tani do të ketë një vallë të tretë.
“Nëse ata nuk e ndërtojnë infrastrukturën e nevojshme, ne do të përballemi me valën e tretë në fillim të vitit të ardhshëm”, tha ai për mediat zvicerane.
Nabarro vlerësoi përgjigjen ndaj pandemisë së vendeve aziatike, si Koreja e Jugut.
Deri tani, Europa numëron 15,589,430 persona të infektuar, 354,266 viktima dhe mbi 6 milionë të shëruar.
