Turqia
Publikohen pamjet e shpërthimit në Ankara, dy persona kryen sulm me bombë
Kryeqyteti turk Ankaraja është goditur sot nga një sulm me bombë, në afërsi të Parlamentit dhe ministrisë së Brendshme.
Në anën tjetër, ministri i Brendshëm turk ka bërë të ditur se dy terroristë kanë kryer sulm me bombë para ndërtesës së Ministrisë së Brendshme në Ankara, ku njëri nga sulmuesit hodhi veten në erë, e tjetri është neutralizuar nga policia, transmeton Telegrafi.
Mediat turke më herët kishin raportuar se shpërthimi ka ndodhur në afërsi të Parlamentit dhe ndërtesës së Ministrisë së Brendshme.
“Ishte sulm terrorist. Dy terroriste me një veturë u shfaqen para portës kryesore të Parlamentit dhe ministrisë së Brendshme, ku aktivizuan mjetin shpërthyes”, tha ministri Ali Yerlikaya.
E nga ky sulm janë plagosur lehtë dy policë të Turqisë, ka njoftuar ministi Yerlikaya.
Mediat e atjeshme kanë arritur të sigurojnë pamjet, kur vjen deri te shpërthimi në qendër të qyteti dhe qytetarët e kapluar nga paniku kur ndodhë shpërthimi.
