Protesta e opozitës, ambasada amerikane reagon 3 ditë para

Disa ditë para protestës së thirrur nga opozita, e cila është planifikuar për ditën e premten në orën 20:00, ambasada amerikane në Tiranë i ka bërë thirrje të gjithë shtetasve të saj që ndodhen në Shqipëri të shmangin vendet e grumbullimit të protestuesve.

Në reagim thuhet se grupi synon të demonstrojë kundër qeverisë shqiptare dhe mund të lëvizë në vende të ndryshme në Tiranë dhe se kohëzgjatja e demonstratës së pritshme është e panjohur.

“Një demonstrim i madh pritet të zhvillohet pranë Zyrës së Kryeministrit të premten, më 21 qershor 2019, duke filluar rreth orës 8:00.

Grupi synon të demonstrojë kundër qeverisë shqiptare dhe mund të lëvizë në vende të ndryshme në Tiranë.

Kohëzgjatja e demonstratës së pritshme është e panjohur.

Demonstrimet e kohëve të fundit kanë përfshirë dhunën. Forcat e sigurisë kanë përdorur kanalet e ujit dhe gaz lotsjellës për të shpërndarë turmat.

Personeli i Ambasadës së SHBA-së dhe anëtarët e familjes janë drejtuar për të shmangur të gjitha pikat e grumbullimit dhe vendet ku demonstratat janë të pashmangshme ose në vazhdimësi.

Jini të vetëdijshëm për rrethinën tuaj.

Monitoroni mediat lokale për përditësime”, njofton ambasada.