Prishtinë: Dy këmbësorë goditen nga vetura
Dy këmbësorë sot janë goditur nga një veturë në rrugën “Fahri Fazliu” në Prishtinë.
Kështu bëri të ditur Flora Ahmeti, zëdhënëse për media në Policinë e Kosovës në Prishtinë.
“Sot rreth orës 17:00, në rrugën “Fahri Fazliu” në Prishtinë, ka ndodhur një aksident rrugor, në mes të një automjeti dhe dy këmbësorëve”.
“Si pasojë e aksidentit këmbësorët kanë pësuar lëndime trupore. Të njëjtit janë dërguar për trajtim të nevojshëm mjekësor. Hetuesit e njësitit të trafikut rajonal po merren me rastin”,ka thënë Ahmeti.
