Premtimi i Macron për Zelenskyn, pasi u rizgjodh president i Francës

Emmanuel Macron është zotuar të “rrisë” mbështetjen ushtarake dhe humanitare për Ukrainën gjatë një bisede telefonike me presidentin ukrainas Volodymyr Zelenskyy.

Macron përsëriti “shqetësimin e tij të fortë” për pushtimin rus të Ukrainës dhe “situatën e padurueshme” në qytetin jugor të Mariupolit në një telefonatë me presidentin ukrainas.

Perëndimi ka vendosur sanksione të forta ndaj Moskës lidhur me fushatën, e cila filloi më 24 shkurt dhe sot vazhdoi në ditën e 66-të. Ndihma ushtarake i është ofruar gjithashtu Ukrainës nga NATO dhe aleatët e saj.