Presidenti i Serbisë, Aleksandar Vuçiq, ka pranuar ka pranuar statutin e Asociacionit të komunave me shumicë serbe, i cili është propozuar në takimin e fundit në Bruksel dhe është pajtuar me draftin dhe dinamikën e zbatimit të marrëveshjes së Ohrit ndërmjet Kosovës dhe Serbisë.
Kryetari i partisë “Qendra e Serbisë”, Zdravko Ponosh, deklaron për Nova.rs se Vuçiq publikisht ka thënë se mund të bëjë gjithçka, përveç njohjes dhe se marrëveshja që ka bërë do të thotë se ka pranuar një “njohje de facto”, transmeton Ballkani.info.
Gjatë takimeve të ndara mes presidentit të Serbisë, Aleksandar Vuçiq dhe kryeministrit të Kosovës, Albin Kurti, në Bruksel, me përfaqësues të Bashkimit Evropian, janë hedhur hapa të rëndësishëm drejt formimit të Asociacionit.
Sipas burimeve të televizionit serb, propozimi i statutit të Asociacionit është pranuar nga të dyja palët, por aktualisht po kërkohet forma e duhur që do të kënaqë Beogradin dhe Prishtinën. Bashkëbiseduesit e Nova-s theksuan se, përveç që Albin Kurti pranoi themelimin e Asociacionit, Vuçiq e pranoi edhe draftin dhe dinamikën e zbatimit të marrëveshjes së Ohrit, por kërkoi që ajo të mos nënshkruhet para datës 17 dhjetor, kur mbahen zgjedhjet në Serbisë.
Çfarë do të thotë ajo? Asgjë e re, nëse pyetet Zdravko Ponosh, i cili kujton se Vuçiq publikisht ka thënë se mund të bëjë gjithçka përveç njohjes.
“Në Bruksel ka pranuar gjithçka që i është kërkuar, me kusht që të mos nënshkruajë në të njëjtën letër bashkë me Kurtin. Modalitetet e mundshme janë: një betim publik se do të respektojë gjithçka edhe pse nuk e ka nënshkruar, ose që ai dhe Kurti të nënshkruajnë letra ndaras me BE-në. Variantin e parë e ka aplikuar tashmë në Bruksel dhe Ohër, ndërsa të dytin e ka praktikuar me nënshkrimin e Marrëveshjes së Uashingtonit. Të gjithë pretendojnë se respektojnë Kushtetutën. Në fakt, kjo do të thotë se Vuçiq pranon njohjen “de fakto”, e për “de jure” le ta ndjekin dikë tjetër”, ka thënë Ponosh.
“Kurti në fakt e shpëtoi Vuçiqin duke u përpjekur ta poshtërojë atë duke insistuar që Vuçiq ta nënshkruante me ceremoni letrën, të cilën ata e pranuan në parim, edhe pse ai e dinte se nuk lejohej ta bënte këtë. Ata janë “yin dhe yang” i fatkeqësisë së Kosovës. Dukej sikur po kërkonin njëri-tjetrin me qiri derisa gjetën njëri-tjetrin dhe ranë në krahët e njëri-tjetrit. Njëri do të donte të nënshkruante, tjetri jo, dhe të dy po kryejnë fajësim”, thotë Ponosh.
Ai tregon se Vuçiqit ende i intereson që diçka, siç shprehet ai, lind nga ajo marrëdhënie e çuditshme.
“Ai do të përpiqet të ndërmarrë disa hapa konstruktivë në dy javët e ardhshme. Natyrisht, Serbia nuk do të përfitojë nga këto hapa, për Vuçiqin është vetëm një investim në Evropë që shikon nëpër gishta manipulimet e tij zgjedhore. Asgjë e re. Pres të shoh se me çfarë kriteresh do të rekrutohen serbët në organet e Asociacionit – Kuvendi, këshilli, komisioni, kush do të jetë kryeshef… tani që Radoiçiq dhe ekipi i tij janë në udhëtim zyrtar”, përfundon ish shefi i ushtrisë serbë i shndërruar në politikan. /Ballkani.info/







