Policia e Kosovës

Policisë i mbesin veturat në lloç (FOTO)

Disa vetura të Policisë së Kosovës kanë mbetur në lloçin te mihja sipërfaqësore në fshatin Shipitullë të Obiliqit.

Pjesëtarë të Policisë të stacionit në Obiliq si dhe të Njësive Speciale kishin shkuar në vendin ku po protestonin disa banorë të fshatit Shipitullë ndaj, siç kanë thënë ata, mosmbajtjes së premtimit nga kryeministri Ramush Haradinaj se banorë të fshatit do të punësoheshin në KEK.

Protestuesit kanë arritur të ndalin punën e ekskavatorit të KEK-ut.

Pas bisedimeve me Policinë, banorët kanë ndërprerë protestën në orët e mbrëmjes dhe janë shpërndarë të qetë.

Gjatë përpjekjes për t’u kthyer në bazë, veturat e Policisë kanë mbetur në lloç.

Për t’i nxjerrë nga lloçi ka ndërhyrë një ekskavator i KEK-ut, i cili ua ka hapur rrugën.

Fotot nga kallxo.com: