Policia nis hetimet për sulmin ndaj gruas rome në Lipjan
Policia e Kosovës po e heton rastin e sulmit ndaj gruas rome, që ndodhi sot pasdite në Lipjan.
Lajmin e ka konfirmuar për mediat, zëdhënësja e PK-së, Flora Ahmeti.
Z. S. u sulmua nga një grup fëmijësh pasi që gjatë ditës në rrjete sociale u përhapën dezinformata, se ajo rrëmbente fëmijë.
Më herët gjatë ditës, Policia kishte konfirmuar se personi në fjalë nuk dyshohej për asnjë vepër kriminale.
E riatdhesuar nga Belgjika, gruaja rome ishte parë brenda pak kohësh në disa qytete të Kosovës, dhe ishte fotografuar e tallur nga të rinj në grupe të ndryshme online.