Policia konfiskon një armë lodër, u përdor në një rrahje në Skënderaj
Policia e Kosovës ka konfiskuar dje një armë lodër në Skënderaj.
Ky mjet u përdor nga dy persona për të frikësuar tre të tjerë gjatë një përleshjeje, që përfundoi pa lëndime.
Dy të dyshuarit e armatosur u arrestuan. Por, pas intervistimit në konsultim me prokurorin janë liruar në procedurë të rregullt.
Të dhënat i ka bërë të ditura Policia e Kosovës në raportin e saj 24 orësh e cila rastin e ka cilësuar si armëmbajtje pa leje.
