Policia jep detaje nga aksidenti zinxhiror në Prishtinë

Një aksident me lëndime ka ndodhur në rrugën “Ilir Konushevci” në vendin e njohur “te Plepat” në kryeqytet.

Lajmin e ka konfirmuar zëdhënësi i Policisë së Kosovës, Daut Hoxhaj.

Ai ka thënë se në aksident janë përfshirë tri vetura, derisa ka bërë të ditur se njësitet policore i janë përgjigjur rastit dhe po merren me të

“Sipas informatave fillestare një aksident me lëndime ku janë përfshirë tri automjete është raportuar në atë lokacion, njësitet policore i janë përgjigjur rastit dhe do merren me rastin”, ka thënë ai.