Policia deklarohet për aksidentin mes dy veturave në hyrje të Prizrenit
Një person është lënduar si pasojë e aksidentit mes dy veturave që ka ndodhur mëngjesin e sotëm në hyrje të Prizrenit.
Rastin për Demokracia.com e ka konfirmuar Togeri i Policisë së Kosovës në rajonin e Prizrenit, Shaqir Bytyqi, i cili tha se aksidenti ka ndodhur rreth orës 07:14 në lagjen “Bajram Curri”.
“Aksidenti ka ndodhur rreth orës 07:14 në lagjen “Bajram Curri” në hyrje të Prizrenit. Në këtë aksident janë përfshirë dy vetura. Si pasojë e këtij aksidenti, lëndime ka pësuar një person, i cili është dërguar në emergjencën e Prizrenit”, tha Bytyqi.
Ai tha më tej se në vendin e ngjarjes kanë dalë njësitet e policisë dhe zjarrfikësit që ta pastrojnë rrugën.
