Po punonin së bashku, papritur gazetari e godet me shuplakë kolegun e tij

Një gazetar turk ka qëlluar me shuplakë teknikun e zërit, ndërsa ky i fundit po përpiqej ta ndihmonte. Lidhur me këtë ngjarje “Bashkimi i Gazetarëve në Turqi” dënoi sulmin.

“Ne e dënojmë sjelljen e keqe të gazetarit Muharrem Sarıkaya kundër teknikut të zërit, Ahmet Demiri. Presim një falje nga gazetari Sarikaya” .

Më vonë gazetari kërkoi falje për veprimin e tij, megjithatë tekniku nuk është tërhequr, ai ka deklaruar se do bëjë padi kundër gazetarit.

Megjithatë, disa përdorues të Twitter-it në postimet e tyre thanë se kërkimi i faljes nga ana e tij nuk ishte e mjaftueshme, duke thënë se ai duhet të përjashtohet nga profesioni.

Pak më vonë u njoftua se media ku gazetari punonte i dha fund bashkëpunimit me gazetarin.