Pikë e pesë në Amerikë – Veseli, Kusari e Hoti megjithatë e kanë një fotografi bashkë

Në një komunikatë për media, zyra e Kryetarit të Kuvendit të Kosovës, Kadri Veselit, ka bërë të ditur se në forumin e liderëve parlamentarë të organizuar nga Kongresi Amerikan në Washington po marrin pjesë edhe deputetët opozitarë, Mimoza Kusari-Lila dhe Avdullah Hoti.

“Në këtë forum të organizuar nga Kongresi Amerikan, bashkë me kryeparlamentarin Veseli po marrin pjesë edhe deputetët e opozitës, Mimoza Kusari-Lila dhe Avdullah Hoti”.

Por ditë më parë të dy deputetët janë distancuar duke thënë se nuk janë pjesë e delegacionit që e udhëheq Veseli, por që atje kanë udhëtuar me ftesë të Kongresit.

Shefi i deputetëve të LDK-së, ka thënë se ai nuk është pjesë e ndonjë delegacioni në Washington.

“Në këtë Forum, unë e përfaqësoj Grupin Parlamentar të LDK-së që është grupi përcaktues i zhvillimeve në Kuvend. Nëse zyra e Kryetarit të Kuvendit e ka lëshuar një deklaratë të tillë, atëherë deklarata duhet të përmirësohet”.

Për të njëjtë çështje është deklaruar edhe deputetja e Alternativës, Mimoza Kusari-Lila.

Kusari-Lila, ka bërë publike ftesën që iu është dërguar nga Komisionit i Kongresit Amerikan. Aty thuhet ajo të marrë pjesë, në cilësinë e deputetes së opozitës në Kuvendin e Kosovës.

Por fotografi i Zyrës së Kryetarit të Kuvendit, Kadri Veseli, është kujdesur që t’i kapë bashkë Veselin dhe dy deputetët.

loading…