Londër
Pesë persona përfunduan në spital pasi një burrë i sulmoi me ‘shpatë’, pranë një stacioni të metrosë në Londër
Një incident kritik është shpallur pranë një stacioni të metrosë në verilindje të Londrës pasi raportohet se një burrë me “shpatë” sulmoi kalimtarët dhe oficerët e policisë.
Sipas mediave të huaja, përcjell Telegrafi, burri, përplasi një automjet në një shtëpi në Thurlow Gardens, përpara se të raportohej se sulmoi një numër njerëzish, tha policia.
Bëhet e ditur se 36-vjeçari dyshohet se kishte sulmuar anëtarët e publikut dhe dy oficerë policie përpara se të arrestohej përfundimisht.
Policia Metropolitane është njoftuar për ngjarjen pak para orës 7 të mëngjesit të sotëm.
Në vendngjarje janë dërguar edhe ekipet e zjarrfikësve dhe të shpëtimit, si dhe një numër ambulancash.
Shërbimi i Ambulancës në Londër tha se ata trajtuan pesë persona në vendngjarje dhe i dërguan të pesë në spital.
Aktualisht nuk dihet gjendja e të plagosurve dhe oficerët nuk po kërkojnë më të dyshuar.
Stacioni i metrosë Hainault në Ilford është mbyllur nga policia pas incidentit.
Kryetari i Bashkisë së Londrës Sadiq Khan reagoi duke thënë ishte “absolutisht i prekur” nga lajmet për incidentin.
🚨 BREAKING
— Paul Golding (@GoldingBF) April 30, 2024
Four people severely injured or killed at Hainault station, where a man wielding a machete has attacked and maybe killed four civilians. One man has been arrested. pic.twitter.com/C05ySlumtf