Reagim
Përparim Rama e demaskon keq shefin e LVV-së në Prishtinë
Kryetari i Prishtinës, Përparim Rama ka reaguar ndaj shkrimeve dhe akuzave nga opozita në kryeqytet se një faturë e Shërbimit të arkitektit të kryeqytetit në vlerë prej 1,048,950.00 është paguar nga institucioni që ai udhëheqë.
Rama përmes një postimi në rrjetin social Facebook ka thënë se ajo faturë e përgjithësuar i ka edhe katër fatura mbështetëse ku është detajizuar secili cent i shpenzuar për shërbimet e ofruara sipas kontratës së nënshkruar me Shërbimin e arkitektit të kryeqytetit.
“Dje, në rrjete sociale dhe në medie të caktuara, ka qarkulluar një faturë e Shërbimit të Arkitektit të Kryeqytetit në vlerë prej 1,048,950.00 e paguar nga institucioni i Kryeqytetit. Kjo faturë e përgjithësuar është plasuar në publik e pakompletuar, pra pa faturat mbështetëse, nga Shefi i Grupit të Asambleistëve të Lëvizjes Vetëvendosje në Kryeqytet. Dëshirojmë të sqarojmë për opinionin publik se ajo faturë e përgjithësuar i ka edhe katër fatura mbështetëse ku është detajizuar secili cent i shpenzuar për shërbimet e ofruara sipas kontratës së nënshkruar me Shërbimin e Arkitektit të Kryeqytetit. Të gjitha këto fatura i ka pasur në dispozicion Shefi i Grupit të Asambleistëve të Lëvizjes Vetëvendosje, por ai qëllimisht nuk i ka postuar për të krijuar opinion të rrejshëm të keqmenaxhimit të parasë publike dhe për t’a shndërruar një shërbim profesional në temë për përfitime politike në mënyrë dinake”, ka shkruar ai.
Kryetari i Prishtinës ka kërkuar nga shefi i Grupi të Asambleistëve të VV-së që të mos keqinformojë publikun.
“E lusim publikisht Shefin e Grupit të Asambleistëve të Lëvizjes Vetëvendosje që të mos keqinformojë publikun dhe të mos ndërtojë opinion të rrejshëm për qëllime politike. Në fund, e informojmë publikun se Shefi i Grupit të Asambleistëve të Lëvizjes Vetëvendosje ka bërë kërkesë për qasje në dokumente zyrtare me datën 02 maj 2024. Organet e Kryeqytetit i janë përgjigjur pozitivisht kërkesës me datën 08 maj 2024, brenda afatit ligjor të paraparë, dhe i kanë dërguar të gjithë dokumentacionin e kërkuar”, ka shkruar Rama.
Reagimi i plotë:
