Katër persona (të mitur) kanë marrë lëndime trupore si pasojë e një përleshje, që ka ndodhur sot rreth orës 18:00 në afërsi të Shtëpisë së Kulturës në Lipjan.
Kjo u bë e ditur nga Flora Ahmeti, zëdhënëse e policisë për rajonin e Prishtinës.
“Sot rreth orës 18:00, kemi marrë informatën për një përleshje fizike të ndodhur në afërsi të Shtëpisë së Kulturës në Lipjan. Bazuar në të dhënat fillestare, në këtë rast lëndime trupore kanë pësuar katër persona (të gjithë të mitur). Katër personat e lënduar (dy prej të cilëve dyshohet të kenë lëndime nga arma e ftohtë thikë), janë dërguar për trajtim mjekësor”, ka thënë ajo.







