“Dy dele, treqind pare

Eja Dreni, eja Dreni, hyr në valle

Merre Gentin, merre Gentin dor’ për dore,

Mashallah, mashallah, ç’ju paska hije

Si bakllava, si bakllava në tepsie”

Këtë tekst e mësojnë nxënësit e klasës së parë, në librin e Edukatës Muzikore.

Ky tekst ka ngjallur reagime të shumta në rrjete sociale, nga prindërit që nuk janë të mendimit se fëmijët e tyre duhet ta mësojnë këtë, raporton KTV.

E pajtimit për të mos ia mësuar nxënësve të vet, është edhe mësuesja e klasës së parë në sh.f. “Ismail Qemali”, Vildane Çeliku Halimi.

Ajo thotë se këtë tekst do ta tejkalojë.

KTV-ja ka tentuar të marrë një përgjigje nga autorja e Edukatës Muzikore të klasës së parë Drita Rudi, por ajo nuk ka qenë e qasshme gjatë ditës.

E, Valmir Gashi, këshilltar politik në Ministrinë e Arsimit ka thënë se Këshilli i ekspertëve të MASHT-it, për ndryshimin e teksteve shkollore, do të vendosin shumë shpejt nëse ky tekst do të ndryshohet apo do të kërkohet nga mësimdhënësit që ta kalojnë atë tekst dhe të mos ua mësojnë nxënësve.