Për herë të parë pas festivalit, Vera Grabocka flet për raportin me Alketa Vejsiun

Vera Grabocka sqaron raportin me Alketa Vejsiun, pasi u tha se u zunë pas Festivalit të RTSH.

Përfundimi i “Festivali i Këngës” la vend për komente të shumta. Alketa Vejsiu deklaroi hapur se, sipas preferencave të saj, vendi i parë i takonte Elvana Gjatës.

U aludua se marrëdhënia mes Vejsiut dhe Vera Grabockës ishte krisur, ndërsa nisja e një tjetër projekti të përbashkët mes dyshes së famshme të televizionit dëshmon të kundërtën.

Grabocka mesa duket ka pritur “Në kurthin e Piter Pan” për të shprehur edhe një herë konsideratat e saj lidhur me moderatoren, duke theksuar ndër të tjera suksesin e kësaj të fundit në “Sanremo”.

Ka mjaftuar një foto e regjisores dhe Vejsiut në Instagram, si dhe disa fjalë plot emocion nga Grabocka, për të kuptuar se bashkëpunimi mes këtyre dy emrave do të vazhdojë për një kohë të gjatë.

Sipas përshkrimit të Verës, Alketa ka spikatur në sytë e saj që në moshën 16-vjeçare.