Për gati tri orë Kurti po e negocion me Vuçiqin vendimin “sovran” për targat
Po bëhen gati tri orë prej kur ka nisur takimi në Bruksel ndërmjet kryeministrit Albin Kurti dhe presidentit serb Aleksandër Vuçiq.
Të dyja palët me ndërmjetësimin e BE-së janë takuar pas tensionimit të situatës në veri të vendit, pas fillimit të zbatimit të vendimit për konvertimin e targave të lëshuara ilegalisht nga Serbia.
Para nisjes së takimit, nga Bashkimi Evropian janë publikuar disa pamje nga dhoma ku qëndrojnë si ndërmjetësues Përfaqësuesi i Lartë i BE-së, Josep Borrell dhe Përfaqësuesi i Posaçëm për dialogun Kosovë – Serbi, Miroslav Lajcak, së bashku me Vuçiq dhe Kurtin.
Kurti dhe Vuçiq patën takime të veçanta edhe me përfaqësues evropianë, para se të niste takim i i përbashkët.
