PDK thotë se ideja për qarkullim pa pagesë me Trafik Urban ishte e tyre

Deputeti i PDK-së, Uran Ismaili, thotë se ideja për Trafikun Urban pa pagesë në Prishtinë është dhënë nga partia e tij.

“Një ide e mirë e Degës së PDK-së në Prishtinë po jetësohet. Pasi u votua propozimi ynë nga Asambleja Komunale, tash trafiku urban në Prishtinë është pa pagesë. Një hap i rëndësishëm ky që i ndihmon qytetarët, kursen xhepin e tyre, ruan shëndetin dhe inkurajon transportin publik”, ka shkruar Ismaili në profilin e tij në Facebook.

Tutje ai shprehet se me politika të mira ndreqet kryeqyteti.

“Falënderoj të gjitha partitë politike që mbështetën këtë propozim. #BashkëeNdreqim”, ka përfunduar ai.