Partia Demokratike e Kosovës ka vendosur të mbledhë edhe Këshillin Drejtues për të finalizuar “qëndrimet dhe veprimet e saj politike”, pas vendimit të Gjykatës Kushtetuese që të mërkurën u dha afat 34 ditë deputetëve për të zgjedhur presidentin e ri ose vendi shkon në zgjedhje të reja.

Pas mbledhjes së Kryesisë dhe Grupit Parlamentar, PDK-ja ka thënë se e respekton vendimin e Kushtetueses dhe se për të bërë të qarta veprimet e ardhshme politike do ta ftojë edhe mbledhjen e Këshillit Drejtues.