Kryeparlamentari
Pavarësia e Kosovës, Konjufca: Falënderimi i parë shkon për dëshmorët të cilët e dhanë jetën për liri
Kryeparlamentari i Kosovës, Glauk Konjufca, ka thënë se 16 vite më parë lindi Republika e Kosovës.
Konjufca, mes tjerash përmendi ata që dhanë jetën për liri dhe aleatët ndërkombëtarë që mundësuan që shteti i Kosovës të krijohet.
“Sot është dita e pavarësisë, Dita më e rëndësishme e shtetit tonë. 16 vite më parë lindi Republika e Kosovës, sot është ditë e jo vetëm e festimit por edhe reflektimit dhe mirënjohjeve sepse falënderimi i parë shkon për dëshmorët dhe martirët të cilët e dhanë jetën për liri dhe pavarësinë e shtetit tonë dhe gjithë ata veprimtarë dhe aktivistë politikë që nuk kursyen asgjë që shteti ynë të krijohet dhe miqtë tanë ndërkombëtarë që të lind Republika e Kosovës”, tha Konjufca.
