Pas rrahjes së fundit në Vranjevc reagon Isa Mustafa, akuzon mediat, njerëzit e partive tjera…
Kryetari i Lidhjes Demokratike të Kosovë, Isa Mustafa, ka reaguar pas përleshjeve afër degës së LDK-së në Vranjevc, përcjellë Indeksonline.
Përmes një statusi në Facebook, Mustafa ka thënë se procesi zgjedhor i cili nuk respekton statutin dhe rregulloren e zgjedhjeve nuk do të pranohet.
Ai i ka quajtur të papranueshme sjelljet e disa personave, e për të cilët tha se ”s’mund ta kuptoj ngarendjen e tyre që të prodhojnë lajme me budallalleqet e tyre dhe të njerëzve nga partitë e tjera që prishin tubimet e LDK-së!”
Statusi i plotë i tij:
Te nderuar veprimtarë të LDK-së
Është e natyrës së mediave publike e private që të prodhojnë lajme, edhe me disa sjellje të papranueshme të disa individëve nga nëndegët e LDK-së.
Por s’mund ta kuptoj ngarendjen e këtyre individëve që të prodhojnë lajme me budallalleqet e tyre dhe të njerëzve nga partitë e tjera që prishin tubimet e LDK-së!
Të gjithë duhet ta dijnë se çdo proces zgjedhor i cili nuk respekton Statutin e LDK-së, Rregulloren e zgjedhjeve dhe që nuk është transparent ndaj anëtarësisë nuk do të pranohet. Si Kryetar i LDK-së do të kërkoj nga organet përgjegjëse që ato të anulohen.
Për rregullësinë e procesit zgjedhor vendimtare janë dispozitat e Statutit të LDK-së dhe Platforma zgjedhore, e jo konstatimet nga debatet e atyre që s’kanë asgjë të përbashkët me LDK-në. IM
Përplasja e djeshme në nëndegën “Mati1”:
