Pas Kurtit, Ambasadori Amerikan takon edhe Isa Mustafën

Pas takimit me Albin Kurtin, kreu i Ambasadës Amerikane në Prishtinë, Philip Kosnett ka takuar edhe kryetarin e LDK’së, Isa Mustafën, me të cilin kanë diskutuar për procesin zgjedhor, dialogun e tema tjera.

Kosnett ka thënë se presin një përqëndrim në fazën finale të dialogut me Serbinë.

Në takim ka qenë e pranishme edhe kandidatja për kryeministre nga LDK’ja, Vjosa Osmani.

Njoftimi është publikuar nga Lidhja Demokratike e Kosovës:

Sot, kryetari i LDK-së, Isa Mustafa është takuar me Ambasadorin e SHBA-ve në Kosovë, Philip Kosnett.

Gjatë këtij takimi është diskutuar për procesin zgjedhor në Zgjedhjet nacionale 2019.

Kryetari Mustafa shprehu mirënjohjen dhe falënderimin e veçantë për mbështetjen e vazhdueshme që i kanë dhënë SHBA-të Kosovës.

Ambasadori Kosnett ishte i kënaqur me atë se sa mirë shkoi procesi zgjedhor, me daljen e lartë në votime, dhe për faktin se kishte aq shumë përqëndrim në çështjet për të cilat shqetësohen votuesit. Ai tha se pret një përqëndrim të ripërtërirë në përparim kundër korrupsionit, në ekonomi, dhe në dialog me Serbinë drejtë arritjes së një marrëveshjeje gjithëpërfshirëse që do të sjellte stabilitet dhe paqë të qëndrueshme në rajon

Në takim të pranishëm ishin nënkryetarët z. Agim Veliu, znj. Vjosa Osmani, z. Lutfi Haziri dhe anëtarja e Kryesisë, znj. Vlora Dumoshi.