Pas kërkesës për formimin e një Komisioni Hetues Parlamentar për RTK’në, reagon drejtori i këtij televizioni

Drejtori i RTK’së, Ngadhnjim Kastrati ka reaguar pasi Sindikata e Pavarur e RTK’së ka kërkuar shkarkimin e bordit të këtij televizioni dhe formimin e një Komisioni Hetues Parlamentar, raporton Ballkani.info.

Ai ka thënë se RTK mbikqyret nga dy Komisione Parlamentare, ai për financa dhe Komisioni për Media.

Kastrati ka thënë se “tentimet për ta komprometuar RTK-në nëpërmjet fabrikimeve, inskenimeve të situatave dhe shtrembërimeve të të vërtetave do të mbesin veprime të kota të oportunistëve dhe profiterëve”.

Përmes një shkrimi në rrjetin e tij social Facebook, ai ka thënë se puna profesionale e RTK-së është publike dhe i nënshtrohet vlerësimit të vazhdueshëm të publikut, të vetmit vlerësues real.